Dette ble klart da Stiftelsen UNI i sitt styremøte 20. oktober 2022 besluttet å innvilge kr. 250.000 til ovennevnte prosjekt
Ådlandstova er det fyrste profane bygg i Noreg, som vart teke vare på av “Foreningen til norske Fortidsminnesmerkers bevaring, avdeling Bergen og Hordaland” i 1877. Då kulturminnelova kom vart røykstova freda og registrert som middelalderbygg.
Bygget ligg i Sunnhordlandstunet i lag med resten av dei ni andre historiske bygga i Vidsteensparken, Leirvik. Etter stiftinga av - Sunnhordland folkemuseum og sogelag - i 1913, vart bygget nytta som lagringsplass for gjenstand-samlinga til laget. Ådlandstova vart kjøpt av sogelaget i 1934 og flytta frå Øvre Ådland til Vidsteensparken same år.
I dag er Ådlandstova det einaste bygget som er i Sunnhordland Museum si eige som er freda. Det 35 rutemeter store rommet er den største tømra stova i Sunnhordland museum si eige og står sentralt i tunet i Vidsteensparken. Det er tradisjon for å tru at Ådlandstova har vore nytta som gildeskåle; middelalderen sitt forsamlingshus. Bygget skal også ha stått på «Gildeskålsbakkjen» like ovafor kyrkja i Frugarden på Leirvik.
Prosjektet
Jordgolvet som er frå 1934 er svært slitt med djupe groper. Det gror sopp under langborda i røykstova. Dette er uverdig i eit så staseleg bygg. Difor ynskjer dei å drenera kring bygget for å leia vatnet bort.
Då bygget stod på Ådland, før flyttinga, var det montert tregolv i bygget. Etter at Folkemuseet flytta ho til Vidsteensparken på Leirvik vart skogbotnen/auren jamna ut og jordgolvet vart slik det er i dag. Etter ein lengre fagleg diskusjon har museet har fått løyve til å montera tregolv i Ådlanstova.
Telefon: +47 46292921